Maskini mzee

Kitandani amelala kwa miaka

Hakuna wa kumjali

Hakuna wa kumkumbuka

Je alikosea wana wake?

Wana wake ndio wamemtega?

Ni kosa gani mzee katenda?

Ugonjwa unamuumiza hospitalini

Fikra zinamuumiza akili

Amewasomesha wana wake

Lakini hakuna anayemjali

Bar hawatoki

Kulipwa wanalipwa lakini kazi ni kulewa tu

Nani atamnusuru huyu mzee

Amekula chumvi nyingi

Ugonjwa unamuumiza kitandani

Je ni maadili ama utu wana wake wamekosa?

Shamba wameliuza

Pesa zote kwa mama pima

Maskini mzee anaumia

Huzuni moyoni mwake

Unakatakata moyo wake

Nani atamnusuru maskini mzee apate matibabu

@januaris